Harmony Media መሓዛ ተዛረብቲ ቋንቋ ትግርኛ
ኣባል ሃገራዊት ጋንታ ፈረንሳ ብሙኻና ተዓዋቲ ዋንጫ ዓለም ዝኾነ ኣንቶንዮ ግረዝማን ብ107 ሚልዮን ፓውንድ ካብ ኣትለቲኮ ማድሪድ ናብ ባርሴሎና ብምስግጋር 6ይ ዝኸበረ ተጻዋታይ ኩዕሶ እግሪ ዓለም ኮይኑ። እዚ ምስ ክለብ ኣትለቲኮ ማድሪድ ን ሓሙሽተ ዓመት ዝተጻወተ ግሬዝማን ኣብ 257 ግጥማት 133 ሸቶታት ከምብዝጋብ ኣብ ዝተፈላለየ መስመር ምጥቃዕ ዝስለፍ ኮይኑ ህጂ ድማ ን ሓሙሽተ ዓመታት ብ 720 ሚልዮን ፓውንድ መስበሪ ውዕል ብምፍራም ኣብ ዓመት 21 ሚልዮን ደሞዝ ብምስምማዕ እዩ ምስ እዛ ካቶሎናዊት ክለብ ፈሪሙ ዘሎ።
ኣብ ባርሴሎና ሻምፕዮንስሊግ ንምዕታር ተሃንጥዩ መጺኡ ዘሎ ግሬዝማን፡ ብራዚላዊ ነይማር ስዒብዎ ናብዛ ጋንታ ምስ ዝመጽእ፡ ኣብ ቅድሚት ኣብ መንጎ፡ ሜሲ፡ ስዋሬዝ፡ ግሬዝማንን ነይማርን ን3 ቦታ ኣብ ምሓዝ ከቢድ ስራሕ ክሓቶ ኢዩ።