ዜና

ኣብ ሽወደን ኣስታት 700 ሽሕ ሰባት ብቐረብ ዘዕልልዎ ዓርከ/መሓዛ የብሎምን ክብል ስታቲስቲክስ ህዝቢ ሽወደን ኣመልኪቱ። እዚ ቁጽሪ ብፍላይ ኣብቶም ኣብ ወጻኢ ሃገራት ዝተወልዱ ሰባት ብዕጽፊ ዝዛይድ ምዃኑ ዘተሓሳስብ እዩ ተባሂሉ። ሬድዮ ሽወደን ኣብ ኡፕሳላ ኣብ ዝተፈላለያ ሃገራት ዝተወልዱ ሰባት ኣብ ሽወደን ኣዕሩኽ ኣብ ምፍራይ ዘሕለፍዎ ተመኩሮታት ዳህሳስ ኣካዪዳ’ላ። ብዙሓት ሬድዮ ሽወደን ዘዘራረበቶም ስደተኛታት ኣፍሪቃውያን፥ ኣዕራብን ካብ ርሑቕ ምብራቕ እተወልዱን ሰባት …

ኩባንያታት መድሕን ካሕሳ ንምሃብ ግዳያት ጾታዊ ገበናት ከመይ ዝበለ ኲነታት ከቕርቡ ከም ዘለዎም ዝተፈላለየ ጠለባት ከም ዘለወን ብ ኣገልግሎት ዜና ሬድዮ ሽወደን ዝተገብረ መርመራ ኣመልኪቱ። ‘ሳይሞን’ ጾታዊ ዓመጽ ከም ዝበጽሖ ብምግላጽ ካብቲ ትካል መድሕን ካሕሳ መሕወዪ እኳ እንተሓተተ እዚ ከም እተኸልከለ ተፈሊጡ። እቲ ትካል ነዚ ካሕሳ ካብ ምሃብ ዝተቖጠበሉ ምኽንያት እቲ ግዳይ ጾታዊ ዓመጽ ኣብቲ መጥቃዕቲ ዝተፈጸመሉ ኣፓርታማ ምንባር ብምቕጻሉ …

ኣብ ዝሓለፉ ሓሙሽተ ዓመታት ኣስታት 700 ሶርያውያን ኣብ ሰራዊት ሶርያ ኣገልጊሎም ብዝብል ምኽንያት ዜግነት ሽወደን ከምዝተኸልከሉ ኣገልግሎት ዜና ሬድዮ ሽወደን ሓቢሩ። ካብ 2004 ዝወጸ ውሳነ መንግስቲ ሽወደን ከም ዝሕብሮ፡ ገበናት ኲናት ኣብ ዝፈጸሙ ውድባት ዝተሳተፉ ሰባት ን 25 ዓመታት ዜግነት ሽወደን ኣይወሃቡ እዮም፡፡ ሰራዊት ሶርያ ብመንግስቲ ሽወደን ሓደ ካብቶም ኣብ ልዕሊ ሲቪላውያን ገበናት ኲናት ካብ ዝፈጸሙ ትካላት እዩ ዝጽብጸብ። ማትስ …

ኣብ ደቡብ ስቶክሆልም ኣብ እትርከብ ከተማ ሶደርታልየ ክልተ ህጻናት ከምዝተቐትሉ ፖሊስ ሓቢሩ። ክልተ ብዕድመ እኹላት ሰባት ብቕትለት ተጠርጢሮም ኣብ ትሕቲ ቀይዲ ኣትዮም ኣለዉ። ኣብዚ ሕጂ እዋን ምስቲ ገበን ዝተሓሓዝ መርመራ (ፎረንሲክ) ይካየድ ኣሎ፡፡ ካብዚ ብዝተረፈ ፖሊስ ዝኾነ ካልእ ዝርዝር ሓበሬታ ካብ ምሃብ ተቖጢቦም ኣለዉ።

ፖሊስ ኣብ ዞባታት ደው ኣቢሎም ሰባት ክፍትሹ ዘኽእሎም ሓድሽ ሕጊ ካብ ጽባሕ ሓሙስ ጀሚሩ ተግባራዊ ብምዃን ፖሊስ ኣብ ዝተወሰኑ ከባቢታት ምፍታሽ ኣካላት ሰብነት ንምክያድ ዝለዓለ ስልጣን ክህልዎም ምዃኑ ተገሊጹ። መንግስቲ ሽወደን፡ ኣንጻር ገበናት ጕጅለታት ኣብ ዝግበር ዘሎ ቃልሲ፡ ሓደስቲ ሜላታት ክትግበሩ ኣለዎም ኢሉ እዩ ዝምጉት። እቲ ኣገባብ ኣብ ዓባይ ብሪጣንያ ዝተፈተነ ኮይኑ፡ ኣብ ሕብረተሰብ ገለ ጉጅለታት ኣድልዎ ንኽበጽሖም ዘቃልዕ እዩ …

ሓድሽ ኣገባብ መርመራዊ ጸብጻብ “ዲኤንኤ ፎረንሲክ ፕሮፋይሊንግ” ኤጀንሲ ሚግሬሽን ርክብ ስድራቤት ንምድህሳስ ንዝገብሮ ዕዮ ከቃልሎ ምዃኑ ተገሊጹ። ብዘይካዚ ሬሳታት ሰባት ንምልላይ ዓብዪ ሓገዝ ክገብር፥ በዚ ኣቢሉ ድማ ፖሊስ ዘይተፈትሐ ቅትለትን ካልእ ገበናትን ንምጽራይ ኣብ ዝገብርዎ ጻዕሪ ኣገዳሲ ምዕባለ ምዃኑ ኣገልግሎት ዜና ሬድዮ ሽወደን ጸብጺባ። ነቲ መጽናዕቲ ዝመርሖ ዘሎ ኣብ ሃገራዊ ቦርድ ፎረንሲክ ሜዲሲን ዝሰርሕ ኣንድሬስ ቲልማር ኮይኑ፡ እዚ ሓድሽ ኣገባብ …

ቀዳማይ ሚኒስተር እስራኤላዊ ቤንያሚን ኔታንያሁ ኣብ ልዕሊ ወተሃደራዊ ሓይሊ እታ ሃገር ዝግበር ዝኾነ ይኹን እገዳ ከምዝነጽጎ ገሊጹ። ኔታንያሁ ነዚ ዝገለጸ ኣሜሪካ ናብ ሓደ ኣሃዱ ዝፍኖ ሓገዝ ክትቆርጽ መደብ ከምዘለዋ ድሕሪ ምግላጻ እዩ። ቀዳማይ ሚኒስተር እታ ሃገር ትማል ሰንበት ነዚ ብምሉእ ሓይሉ ክቃለሶ ምዃኑ ኣስሚሩሉ’ሎ። ኣቐዲሙ’ውን መርበብ ሓበሬታ ኣክሲዮስ፡ ኣመሪካ ኣብ’ቲ ዝተጎበጠ ምዕራባዊ ገማግም ባሕሪ ግህሰት ሰብኣዊ መሰላት ተፈጺሙ ብዝብል ምኽንያት፡ …

ምስ ኣስራሕቲ ክካየድ ቅድሚ ተተሊሙ ዘሎ ሓባራዊ ልዝብ ደሞዝ፡ ማሕበራት ኢንዱስትሪ ሽወደን፡ ኣብ ዝሓለፈ ዓሰርተ ዓመታት ብማእከላይ ገምጋም ዝተገብረ ናይ ኣስታት ክልተ ሚእታዊት ወሰኽ ደሞዝ ከምዘይሰማምዓሉ ገሊጸን። ኣብ ዝሓለፈ ዓመት ን 2023-2024 ኣብ ዝተገብረ ናይ ሓባር ልዝብን ስምምዕን፡ ወከልቲ ማሕበራት ሰራሕተኛታት ኢንዱስትሪ 4.4% ድሕሪ ምሕታተን፡ 3.7% ወሰኽ ደሞዝ ከምዘረጋገጻን ንዝመጽእ ዓመት ድማ ዳግማይ ብ ተመሳሳሊ ደረጃ ክዓቢ ከም ዝደልያ እየን …

ሚኒስተር ጉዳያት ወጻኢ ሽወደን ቶብያስ ቢልስትሮም፡ መንግስቱ ኣብ ማእከላይ ምብራቕ ኣብ መንጎ ክልቲአን ሃገራት እናወሰኸ ዝኸይድ ዘሎ ወጥሪ ክለዝብ ኣብ ዝጽውዓሉ ዘሎ እዋን፡ እስራኤል ኣብ ልዕሊ ኢራን መጥቃዕቲ ሚሳይል ምፍጻማ ምስምዑ ”ኣዝዩ ከም ዘተሓሳሰቦ” ገሊጹ። ቢልስትሮም ዝሓለፈ ዓርቢ ንግሆ ንኣገልግሎት ዜና ኤስቪቲ ኣብ ዝሃቦ መግለጺ፡ “እዚ ጒዳይ መንግስቲ ኣዝዩ ብዕቱብ ዝርእዮን ብቐረባ እንከታተሎን እዩ” ኢሉ። “ኣብ መንጎ ክልቲአን ሃገራት ዘሎ …

ላህጃ እንግሊዝኛ ዘለዎ ቋንቋ ሽወደን ዝዛረቡ ሰባት፡ ላህጃኦም ብዘየገድስ ክዓብዩ ብርቱዕ ድሌት ዘለዎም፡ ተፈተውትን ጽቡቕ ትምህርቲ ዘለዎምን ተጌሮም ከም ዝሕሰቡ ተፈሊጡ። ነዚ ሓቂ ዝገለጸ ኣብ ቀረባ እዋን ኣብ ዩኒቨርሲቲ ኡፕሳላ ዝተገብረ መጽናዕቲ እዩ። ኣካየድቲ እቲ መጽናዕቲ፥ ዝተፈላለየ ላህጃ እንግሊዝኛ ብዘለዎ ልሳን ቋንቋ ሽወደን ዝዛረቡ ብርክት ዝበሉ ሰባት ክሰምዑ ከም እተገብሩ ይሕብሩ። “እዚ ይዂንምበር ካልኦት ላህጃታት ካብ ተሳተፍቲ ኣሉታዊ ተቐባልነት ረኺቦም …